كشفت رحمة، الفتاة المرتبطة عاطفياً بإسلام، صاحب واقعة “بدلة الرقص” في قرية ميت عاصم ببنها، تفاصيل جديدة أمام جهات التحقيقات نفت فيها تعرضها للاختطاف.

وقالت رحمة في أقوالها لـ”تليجراف مصر”: “نحن قعدنا نتمشى على البحر في الإسكندرية، ولما رحنا فندق رفضوا يدخلونا علشان مش معايا بطاقة، فرجعنا على بنها في قطر 2”.
وأضافت: “لما وصلت الساعة 6 الصبح لمنزل أهلي، محدش اتكلم معايا لأن أبويا وإخواتي وأخوالي كانوا عند بيت إسلام معرفش بيعملوا إيه، لأنهم كانوا فاكرين إنه كان خاطفني، ومحدش كان في البيت”.
ونفت رحمة وقوع أي اعتداء جنسي عليها من إسلام، قائلة: “هو ملمسنيش ولا عمل حاجة، كان بيحافظ عليه، ولا تجردنا من ملابسنا، كنا قاعدين من غير ما نعمل حاجة لأننا كنا على البحر وكنا بنتمشى على البحر، وأنا لسه بكر وهو ما عملش معايا حاجة”.
وأكدت أن إسلام “خد مني التليفون بس علشان كنا عايزين فلوس، والفلوس بتاعتنا أنا وهو خلصت، وأنا اديتهوله بمزاجي”.
تأتي هذه الأقوال لتلقي الضوء على واقعة أثارت جدلاً واسعاً في مصر، حيث ارتدى إسلام بدلة رقص أمام منزل أهل رحمة في قرية ميت عاصم، في حادثة أثارت غضب الأهالي وتسببت في تدخل الشرطة.